Tuchel: Mund t’ia dalim pa Neymarin dhe Verrattin

Thomas Tuchel ka këmbëngulur se PSG mund ta përballojë mungesën e dy yjeve të lënduara, Neymarit dhe Marco Verrattit, edhe pse dëmtimi i brazilianit e ka trishtuar shumë atë.

“Do të mësojmë më shumë rreth lëndimit të Neymarit pas një jave. Ka nisur mjekimi i tij, prandaj do ta shohim sesi shkon”, tha Tuchel.

“Unë vërtet besoj se mund ta përballojmë këtë situatë edhe pa Marcon dhe Neymarin. Është koha të fokusohemi në Rennes dhe asgjë tjetër. Neymar dhe Marco janë lojtarë kyçë, por do të gjejmë zgjidhje. Ne kemi skuadër të madhe dhe lojtarë të cilët gjithmonë mund ta bëjnë dallimin”, deklaroi ai.