Kështu e bindi Lionel Messi mesfushorin de Jong që të transferohet te Barcelona

Babai i Frenkie de Jongut, John de Jong, ka zbuluar në radion holandeze se Lionel Messi i kishte telefonuar të birit të tij për ta bindur atë t’i bashkohet Barcelonës.

“Lionel Messi personalisht i telefonoi Frenkiet. Ishte e vështirë sepse Messi nuk flet anglisht”, tha John de Jong.

Ky ishte një moment i rëndësishëm për holandezin, i cili gjithmonë ka qenë admirues i madh i fenomenit argjentinas. Në fakt de Jong ka thënë në disa raste se ai shikon video të Messit, Xavit dhe Andres Iniestas në Youtube, pasi edhe dy mesfushorët spanjollë janë idhuj të tij.