Legjenda e Manchester United kritikon ashpër mesfushorin e Chelseat

Ish-mbrojtësi i Manchester Unitedit dhe Anglisë, Rio Ferdinand, e ka kritikuar ashpër mesfushorin e Chelseat, Jorginho, pas humbjes ndaj Arsenalit.

“Jorginho është lojtar që e krijon tempin e lojës. Nëse ia pason topin në mesfushë, ai është shumë i mirë”, tha Ferdinand për BT Sport.

“Sa asiste ka bërë ai këtë sezon? Rreth 2000 pasime, asnjë asist. Ai nuk është mbrojtës i mirë. Përsëri, në një ndeshje si kjo kundër një ekipi të madh, të tjerët vrapojnë shumë më shpejt se ai”, shtoi ai.

“Ai nuk mund të vrapojë”, përfundoi Ferdinand.