Paraqitje fantastike me Kosovën, Zeneli i shkel "syrin" klubeve evropiane

Arbër Zeneli mund të bëjë lëvizjen më të madhe në karrierën e tij. Ylli i Përfaqësueses së Kosovës u ka shkelur syrin disa skuadrave të mëdha pas paraqitjeve të mira me Herenveen në Holandë dhe Kosovën në Ligën e Kombeve.

Zeneli ka qenë ndër mëtë mirët në suksesin e Kosovës në Ligën e kombeve, duke shënuar tri gola në sfidën finale ndaj Azerbajxhanit, e fituar 4 – 0 nga ‘Dardanët’ në stadiumin ‘Fadil Vokrri’. 

”Corriere Dello Sport” raporton se Ajax, PSV, Fiorentina kanë shprehur interesim për 23 vjeçarin. Zeneli është pjesë e Herenveen që nga viti 2016, dhe në 71 paraqitje ka shënuar 14 gola.