Arbitrat bojkotuan kampionatin, FSHF anulon të gjitha ndeshjet e fundjavës

Federata Shqiptare e Futbollit, pas vendimit të arbitrave për të bojkotuar kampionatin, ka njoftuar të gjithë klubet shqiptaretë të gjitha kategorive se nuk do të zhvillohen ndeshjet e programuara për fundjavën.

Nuk dihet ende se sa do të zgjasë bojkoti i arbitrave dhe cila do të jetë zgjidhja, por është e sigurt që të paktën këtë fundjavë nuk do të luhet futboll në të gjitha kategoritë.

Federata Shqiptare e Futbollit pret reagimin e Policisë së Shtetit, që të marrë përgjegjësitë për sigurinë e “bilbilave” me praninë e tyre në impiantet sportive, si e vetmja rrugë për të shmanguar incidentet si ai i Kamzës, ku u dhunua barbarisht arbitri Eldorian Hamiti.