Ky është kushti i vetëm nëse Chelsea dëshiron të mbajë Eden Hazard në skuadër

Eden Hazard mund të vendos të qëndrojë te Chelsea, por vetëm me një kusht.

27 vjeçari mund të vendos që e ardhmja e tij të mbetet te Chelsea, nëse drejtuesit e klubit vendosin të shkarkojnë Maurizio Sarrin dhe të emërojnë në stol Zinedine Zidane.

Ylli belg në muajt e fundit ka refuzuar të vazhdojë kontratën me Chelsea, duke qenë i lidhur me një kalim te Real Madrid.

Trajneri italian po përjeton momente aspak të mira në ‘Stamford Bridge’, ku në ndeshjen e fundit u mund 6-0 nga Manchester City.

Kjo ishte humbja më e thellë e Chelsea në epokën e Abramovich, i cili po mendon të shkarkojë italianin, me Zinedine Zidanen opsionin e parë për të drejtuar skuadrën.

Nëse Abramovich vendos të emërojë Zidanen në krye të Chelsea, ky vendim mund t’ia ndryshojë mendjen edhe Hazardit, për t’iu qëndruar besnik Bluve të Londrës.