​“Pas zhdukjes së Salas, lojtarët frikësohen të udhëtojnë me aeroplan”

Mbrojtësi i Cardiff Cityt, Sol Bamba, ka zbuluar se disa nga bashkëlojtarët e tij po frikësohen të udhëtojnë me aeroplan, pasi lojtari i ri i këtij klubi, Emiliano Sala, u zhduk të hënën bashkë me aeroplanin me të cilin po udhëtonte.

“Është një situatë me të vërtetë e pazakontë, një tragjedi e madhe. Të gjithë jemi ndikuar nga ajo që ka ndodhur, djemtë, qyteti, i gjithë klubi. Ne kemi marrë ndihmë. Zakonisht udhëtojmë me aeroplan dhe disa nga ne mendonin: ‘Nuk dua të udhëtoj kështu më’”, ka thënë Bamba.

“Kjo është shumë e thellë. Trajneri ka qenë i mirë dhe klubi ka qenë i mirë sa i përket formës së komunikimit me ne gjatë kësaj kohe. Dhe mendoj se kemi nevojë të çlirohemi nga kjo gjë. Besoj se do të përmirësohemi gjatë javëve në vazhdim”, përfundoi Bamba.