Gattuso flet për lënien jashtë të Higuanit në ndeshjen kundër Genoas

Trajneri i Milanit, Gennaro Gattuso, ka insistuar se transferimi i Gonzalo Higuainit në Chelsea nuk është vendosur ende, derisa ka shpjeguar arsyet e mungesës së argjentinasit në ndeshje e së hënës ndaj Genoas.

Gattuso ka thënë se e ka lënë Higuainin në shtëpi sepse mendërisht ai nuk është në gjendje të luajë ndaj Genoas.

“Asgjë nuk është vendosur akoma, prandaj duhet të flisni me drejtorin e Milanit, Leonardon”, tha Gattuso në konferencë për media.

“Do të jem i sinqertë me ju, që prej së jam këtu, dje ishte njëra prej seancave stërvitore më të këqija e Higuainit. Të gjitha këto fjalë nuk i bëjnë mirë atij. Kam folur me Higuainin. Dua t’i shoh lojtarët që janë mendërisht të gatshëm, dhe Higuaini nuk është për momentin. Nuk jam i zhgënjyer me të, sepse edhe unë kam qenë lojtar. Kam bërë gjithçka që kam mundur dhe ai është sjell shumë mirë tërë kohën”, deklaroi Gattuso.