Rrëfehet Milot Rashica: Mund ta mposhtim Anglinë dhe mund të kualifkohemi në...

Milot Rashica më në fund po tregon cilësitë e tij të vërteta te skuadra gjermane e Werder Bremen.

Në një intervistë të gjatë për faqen e Werder Bremen, Rashica ka folur për karrierën e tij, kohën e mirë që po kalon te gjermanët e po ashtu edhe për Kosovën.

Në pyetjen nëse ai e konsideron veten një yll për brezat e rinj, Rashica është përgjigjur: Nuk e shoh veten si një yll, por një shembull i mirë për fëmijët. Të rinjtë në Kosovë po bëhen gjithnjë e më shumë të interesuar për futbollin. Në ndeshjen kundër Bullgarisë, për shembull biletat janë shitur në më pak se një orë”.

Rashica shton se Kosova ka mundësi të mirë për t’u kualifikuar në Euro 2020, dhe se beson në atë.

“Ne kemi mundësi. Nëse nuk e fitojmë grupin, atëherë kemi një mundësi në Play Off kundër fituesve të grupeve D në Ligën e Kombeve. Gjysmëfinalet dhe finalet do të luhen pas fazës së grupeve”.

22-vjeçari në fund ka folur edhe për ndeshjen Kosovë – Angli, e cila konsiderohet një nga ndeshjet më të rëndësishme në historinë e re të Kosovës.

“Do të jetë një ndeshje masive. Ne jemi një ekip i ri dhe një kombëtare e re në futboll. Të luash kundër këtij lloji të lojtarëve do të jetë e mahnitshme. Çdo gjë është e mundshme në futboll”, përfundoi Milot Rashica.