Messi rikthehet në këtë datë në ekipin kombëtar të Argjentinës

Sipas mediave në Argjentinë, Lionel Messi do të kthehet në ekipin kombëtar, në datën 22 ose 26 mars kundër Venezuelës.

Edhe pse Messi kishte planifikuar të rikthehej në Kombëtare për Kupën e Amerikës, fakti që ndeshja mes Venezuelës ka mundësi të zhvillohet në Barcelonë nënkupton se ai ka gjasa të zbresë në fushë për Argjentinën para verës.

Hera e fundit që numri 10 luajti për vendin e tij ishte 30 qershori 2018, kur u eliminua nga Kupa e Botës pas humbjes 4-3 ndaj Francës. Aty Messi vendosi të pushojë për kohë të pacaktuar. /botaefutbollit/